ፌላሌምሌሞንም

እኛ ኢትዮጵያዊያን ያጣነው ሃብት ወይም ዕውቀት ወይም ጥበብ አይደለም፣ ሰው ነው ያጣነው ።

ሌሎች ኢትዮጵያን የመሰሉ ሃገራት ደሃ ሁነው የቀሩት በሃይማኖት ሰበብ በእርዳታ ስም የሚንቀሳቀሱ ፈረንጆችን ከልብ በቅንነት አምነው ወደ ሃገራቸው በማስገባታቸው ማንነታቸውን ሃይማኖታቸውን እና የምስጢራቸውን ቁልፍ ካስረከቡ በኃላ ነው። ኢትዮጵያ ግን በቀደምት አባቶቻችን መሪር ተጋድሎና መስዋዕትነት ነፃነቷን እና ክብሯን ብቻ ሳይሆን ምስጢራዊ ሀብቷንም (ጥበብና ዕውቀት) ጭምር ጠብቃ የቆየችው በተለያዩ ጊዜ ሊወሯት ለመጡት ፈረንጆች የበሯን መክፈቻ አሳልፋ ባለመስጠቷ ነው። ይህችን ሃገር ለማጥፋት ብዙ መርዛማ ዕቅዶች ታቅዶላት ብዙ ሰይጣናዊ ተልዕኮዎች የተላከባት ሃገር ነች። ሁሉም ግን ከሽፈዋል። ከዚህ በፊት በተለያየ መንገድ ኢትዮጵያን ለመቆጣጠር ብዙ ሙከራዎች ተደርገው ነበር። ረቂቅ ሴራዎች ተጠንስሰው ነበር። ግን ዛሬም ወደፊትም ከየትኛውም ዓለም የሚደረጉ ኢትዮጵያን የማጥፋት ሙከራዎች ሴራዎችና ተንኮሎች መቼም ቢሆን አይሳኩም። ሃገራችን በ24ቱ ካህናተ ሰማይ የምትጠበቅ ልዩ ሃገር ናትና።

ኢትዮጵያን የውስጥ እንጅ የውጭ ጠላት እንደማያጠፋት ነገሩ የታመነ ነው።

ድሮም ከዚች ሃገር ላይ ወደ ስልጣን የሚወጡ ሰዎች ውድቀታቸውና ውርደታቸው የሚጀምረው የኢትዮጵያ ኦርቶዶክስ ተዋሕዶ ቤተክርስቲያንን ሲዳፈሩ ነው።