የአዲስ አበባ ውሾች - yabeto

የአዲስ አበባ ውሾች

Regular price
$2.11
Sale price
$2.11
Regular price
Sold out
Unit price
per 
Shipping calculated at checkout.

ዳሰሳ፡- የአዲስ አበባ ውሾች፤ ደራሲ፡- ዲ/ን ዳንኤል ክብረት ፤ የገጽ ብዛት 253 (pocket size)
ዋጋ 100 (አንድ መቶ ብር 2ኛ ዕትም)
በእንቶኔ ዘይቤ፤ በሁሉን አወቅ አንፃር የትረካ ስልት የቀረበ ልብወለድ መጽሐፍ፡፡
የታሪኩ ማጠንጠኛ፡- ለመጽሐፉ ጭብጥ ጠቃሚ የሆነ የኋላ ታሪክ ያለቸው ጌቶቻቸው፤ ከሥራዎቻቸው የተነሳ ባጋጠማቸው ችግር ለጎዳና የተሰጡ ውሾች ሕይወት ነው፡፡
ጌታው ባለ ሥልጣን የነበረ ውሻ አለ፡፡ በስልጣኑ በመባለጉ ዘብጥያ ሲዎርድ፤ ቤተሰብ ሲበተን ውሻውም ዕጣ ፈንታው ጎዳና ሆነ፡፡ ጌታው ነጋዴ የነበረ፤ ከባለስጣናት ጋር በመተሳሰር ከግብር ነፃ፤ ከጨራታ ነፃ፤ ከቀረጥ ነፃ፤ ሁሉ ነገር አልጋ በአልጋ ሆኖለት ሲንደላቀቅ የኖረ ሀብታም ጌታው፤ የዓይነ ስውሯ ፍትህ ሰይፍ አርፎበት፤ ወህኒ ሲገባ በመኪና ሲንደላቀቅ፤ ሬስቶራንት ሲባለ … የነበረው ውሻው ጎዳና ላይ የተጣለ አለ፡፡ ዲያስፖራው ጌታው ብር ብቻ ይዞ መጥቶ፤ በብዙ ምከንያቶች በመክሰሩ ዓለምን ሲዞር የነበረ ውሻውን ትቶት በመሄዱ ጎዳና ላይ የወደቀ ዲያስፖራ ውሻ አለ፡፡ ደግሞ ከቤተ ክህነት የተገፋ ሊቅ ጌታ የነበረው ሊቅ ውሻ አለ፡፡…. እዛው ጎዳና ላይ የነበረ የአራት ኪሎ አራዳ ውሻ ደግሞ አለ፤ ሌሎችም፡፡
እነዚህ እነ ንካው፣ “አሜይዚነግ” ማለት የሚወደው ሉሉ፣ “አሎራ!” ከአፉ የማይጠፋው ጆዜ፣ ግዕዝ ተናጋሪውና ቅኔ ዘራፊው ዑቃቤ፣ “ሹክራን” የሚለው ባሲል እና ሌሎችም አስገራሚ ውሾች ናቸው፡፡ ታሪካቸውም ትረካቸውም ይጣፍጣል፡፡
ሌሎች ደግሞ ነፃ አውጪ ውሾች አሉላችሁ፡፡ የካዛንቺስ ነፃ አውጪዎች፤ የአራት ኪሎ.. ወዘተ፤ እነዚህ ተደራጅተው ውሾችን ያሳድዳሉ፡፡ እኛ ነፃ ባወጣነው ሠፈር ይላሉ፡፡ ስንት ውሾች ሲፈናቀሉ፤ ሲሰደዱ ታያላችሁ፡፡ ተሰዳጆቹ ይጠይቃሉ “እኛም ውሾች፤ እናንተም ውሾች፤ ለምንድነው ውሻ በውሻ ላይ የሚጨክነው?”
ውሾቹ ዕጣ ፈንታቸው ከሰዎች ጋር ይመሳሰላል፤ የሰዎች ግፍ ዳፋም በቀጥታ አርፎባቸዋል፡፡ እንደ ቀበሮ ጫካ መኖርን ትተው፤ ሰውን እያገለገልን ከሰው ጋር እንኑር ባሉ ስንት መዓት እንደ ወረደባቸው እናያለን፡፡ የባለሀብቶቹ፤ የባለ ሥልጣኖቹ ውሾች፤ ስንት ጉድ ሲሰሙ ኖረዋል፤ ስንት ዱለታ ዓይተዋል፡፡ አይናገሩም፤ አይሰሙም እየተባለ፤ ጥግ እየተያዘ፤ ጓሮ እየተገባ፤ ጨለማ ተገን እየተደረገ፤ በስልክ የሚወራውን ሁሉ፤ ሲሰሙ እና ሲያዩ የኖሩትን እያነሱ ያዋራሉ፤ ያወጋሉ፡፡ ጨዋታቸውን በቅኔ፤ በምሳሌያዊ አባባሎች፤ በተረትተረት፤ በታሪካዊ ገጠመኞች፤ ከፊልም፤ ከመጻሕፍት፤ ከሙዚቃው ሁሉ እየጨለፉ በማዋዛት፤ ብርዱንና ረሃቡን እንዲሁም ስደቱን ያስታግሱታል፡፡
ከፀሃፊው መሳጭ አጻጻፍ የተነሳ እንባቢ ሳንሆን፤ የባለታሪኮቹ አካል እንሆናለን፡፡ ከውሾቹ ጋር ውሾች እንሆናለን፡፡ በቃ ውሻ መሆን በዚህ መጽሐፍ ውስጥ ምንም አይቀፈንም፡፡ አይጎረቡጠንም፡፡ ስሜታቸው ሁሉ ይሰማናል፡፡ በጣም እንራባለን፤ ረሃቡ ግን የነሱ ነው፡፡ ቅንጥብጣቢ ሲገኝ ጮቤ እንረግጣለን፡፡ እነሱ ሲበሉ ምራቅ እንውጣለን፡፡ ግን ድንገት ምንም ያልቸገረው ሰው በድንጋይ አናታችንን ይበጠርቀናል፡፡ አዕምሯችን የውሻ ጩኸት ያሰማነል፡፡ ፈትለክ ብለን እንሮጣለን፡፡ በነፃ አውጪ ውሾች ማደርያ መከልከል ያመናል፤ በገዛ አምሳያዎቻችን እንገፋልን፡፡ የትላንት ጓደኞቻችን “አንተ የአራት ኪሎ ነህ፤ አንተ እዚ ሰፈር አይደለህ?” እያሉ ያገሉናል፡፡ አብሯ አደጎቻችን “አያቶችህኮ አያቶቼን አሰቃይተዋል” ብለው ጠላት ይሆኑብናል፡፡ ስሙን እንኳ በማታውቁት ቅምቅም አያታችሁ ወንጀል ምክንያት እናንተ የበቀል በትር ያርፍበችኋል፡፡
የመከላከል ጩኸት ትጮሃላችሁ፡፡ “ዋው፣ ዋው ዋው..” አማራጭ ሲጠፋ ፊት ለፊት ከነፃ አውጪዎች ጋር ትጋፈጣላችሁ፡፡ ሀገሩ ሁሉ በነፃ አውጪ ሲያዝ ወዴት ይኬዳል? መጋፈጥ ነው፡፡ መናከስ ነው፡፡ መጮህ ነው፡፡ ደግነቱ እግዜር ይረዳል፡፡
አንዳንዶቹ ችግሮች በተግባር ይፈታሉ፡፡ አንዳንዶቹ መፍትሔያቸው መወራታቸው ነው፡፡ ሌሎቹ እስከ ወድያኛውም የሚፈቱ አይመስሉም፤ አንዳንዶቹ የማይወሩ ናቸው፡፡ መወራታቸው በራሱ ሌላ ችግር ያመጣል፡፡ ውሾቹ ዝም ብለው ይሄዳሉ፡፡ ወዴት እንደሚሄዱ ግን አየውቁትም፡፡ እስቲ ምሳሌ እንቀንጭብ
“ሁሉም እግራቸው እንጂ ሐሳባቸው አብሯቸው የለም፡፡ ሁሉንም ያገናኛቸው ማጣት ነው፡፡ የመሰባሰባቸው ምከንያት መገፋት ነው፡፡ እነርሱ ራሳቸው በአስተሳሰብ አንድ ለመሆናቸው እርግጠኞች አይደሉም፡፡ ይት ነው የምንሄደው? ለሁሉም ግልጥ አይደለም፡፡ ምናልባት ይህ ነገር የተነሣ ዕለት ያለያየን ይሆናል ብለው ፈሩታል፡፡ ከየአቅጣጫው መምጣት ይቻላል፡፡ ወደየአቅጣጫው መሄድ ግን አይቻልም፡፡ ማንም ሲፀነስ ከአባቱ አብራክና ከእናቱ ማኅፀን ከተለያየ አቅጣጫ ነው፡፡ እነዚህ ከየአቅጣጫው የመጡ ነገሮች ግን በኋላ ወደ አንድ አቅጣጫ አንድ ሰው ሆነው ነው የሚጓዙት፡፡ ለመምጣት አንድነት አያስፈልግም ለመሄድ ግን የግድ ነው፡፡” ገጽ 113
የውሾቹ ትዝብት
“ሀብት፣ ዘርና ሥልጣን ኃጢአትህን ይሸፍንልሃል፡፡ ድህነት ደግሞ ኃጢአትህን ያጋልጥብሃል ማለት ነው፡፡ ሼም ጠፍቷል ጀለሴ፡፡” በብዙ ኃጢአት ውስጥ በቤተ ክርስቲያን ጭምር የሚከበሩ ባለሀብቶችን፤ ያነሳሉ፤ እነሱ ለመጸለይ በተከለከሉበት ቦታ ሀብታሞቹ ይሰገድላቸዋል፡፡ እናም ሉሉ ይጠይቃል ““ክርስቶስ ያባረራቸውን ሻጮችና ለዋጮች፤ ሕንጻ እየሠራ፤ በቤተ ክርስቲያን ዙርያ መልሶ ማን እንደሰበሰባቸው ሳስብ አሜዚን ይሆንብኛል፡፡ ቤተ ክረስቲያን ለድሆች ማደርያና መመገቢያ፣ ለአረጋውያን መጦሪያ፣ ለድሃ ተማሪዎች መማሪያ፣ ለዓቅመ ደካማ ሕሙማን መታከሚያ፣ መቼ ነው የምትሠራው?” አለ ሉሉ፡፡ ጆዜ ዝም ብሎ ይሰማቸዋል፡፡” ገጽ 44-45
ይሄው ሉሉ የተባለ ውሻ ከዘበኛቸው የሰማቸውን በርካታ ታሪኮች እና አባባሎች ያጋራል፡፡
“ሀገሬ ዳገትሽን በዳዴ ልለፈው
ሁሉም የግል ሆኗል ምኑን ልደገፈው ይሉ ነበር” ይለናል፡፡ ገጽ 93
“በናቷ ሽምብራ በአባቷ ባቄላ
የሁለት ጥሬ ልጅ ኧረ እንዴት ትበላ አለ ዘፋኝ” ገጽ60
“እከክ ብቻ ሆኗል እግሬን ብዳብሰው
እንዴት መቀመጫ መሄጃ ያጣል ሰው” ገጽ 125
በመጨረሻም ወደረኞቻቸውን በሐሳብ ይሞግታሉ፡፡
ይላሉም “ነጻ አውጭነት ታጋይነት ከሆነ የምትታገለው ወገንህ የተሸለ ነገር እንዲያገኝ ነው፡፡ …… ነጻ አውጭነት ንግድ ሲሆን ግን ጉዳዩ የትርፍና ኪሣራ ጉዳይ ይሆናል፡፡ ሌላ ሰው እንዲያተርፍ ብሎ እርሱ የሚነግድ የለማ፡፡ ነጋዴ ነጻ አውጭም የሚታገለው ራሱን በቀደምቶቹ በዝባዦች ለመተካት ነው፡፡ ለዚህ ነው ውሾች የሚነክሱን ውሾች ያየነው፡፡ ጅቦችስ ከዚህ ውጪ ምን ያደርጉብን ነበር?” ገጽ 124
ሙግት ብቻ አይደለም ውሾቹ መፈክርም አላቸው፡፡
““ለመመራት ዝግጁዎች ነን፤
ለመገዛት ግን ፈጽሞ!
ለአባሪነት ዝግጁ ነን፤
ለተገዥነት ግን ፈጽሞ” ሲል ባሲል ፎከረ፡፡ ሁሉም አካባቢው እስኪደባለቅ ድረስ ጮኹ፡፡ ….. ከወንዙ ማዶ አራት ሶለጎች ቆመው ያዩዋቸዋል፡፡ አስተያየታቸው የጤና አይመስልም፡፡
“ዝም ስንላችሁ ጊዜ ናቃችሁን አይደል” አለ አንደኛው ሶለግ መሬት እየፎገሰ፡፡…….””
ድብድብ አለ፡፡ ፍልሚያ፤ ለመግዳልና ላለመሞት የሚደረግ፤ ለእኩልነትና ለበላይነት የሚደረግ ትግል፡፡
የአዲስ አበባ ውሾችን አታነቡትም፡፡ ነገር ግን ታዩታላችሁ፡፡ ውሾች ሲዘፍኑ ምን እንደሚመስል፤ ትገረማላችሁ፡፡ የውሾች ኦርኬስትራ፡፡ የአዲስ አበባ ውሾችን አንብባችሁ ስትጨርሱ መጽሐፍ እንዳነበባችሁ አይደለም፤ ከሲኒማ የምትወጡ ነው የሚመስላችሁ፡፡ ያውም ስትተውኑ ቆይታችሁ፤ አሸንፋችሁ በድል፡፡ እንደ ጂሎች ትግል የዛሬ ድል ብቻ አይደለም፡፡ ጂሎች ጭፍጭፉ ላይ ቀዳሚ ይሆናሉ፤ አስተዋዮች ግን ጠቡን ለማሸነፍ ይፋለማሉ፡፡ ጂሎች ጦርነቱን ለማሸነፍ ሲዋጉ፤ አስተዋዮች ጦርነቱን ለማስቀረት ይቆማሉ፡፡ ጂሎች የድል ዕለት የሚታረደውን በሬ፤ የሚማርኩትን ምርኮ ሲያስቡ፤ አስተዋዮች የሚቀጥለውን ትወልድ፤ የሚመጣውን ጊዜ ያስባሉ፡፡ እነዛ ለመግዳል ሲቆጩ አስተዋዮች ለመፍትሔ ያምጣሉ፡፡
ተንከራታቾቹ ውሾች መጨረሻቸው ያጓጓል፡፡ በነጻ አውጪዎች በተዋጠች ከተማ መድረሻ ይሻሉ፡፡ ገፊ በበዛበት መንደር አቃፊ ይሻሉ፡፡ ዛሬ ላይ የቆመ በበዛበት፤ ትላንትን የማይረሳ ነገንም የሚያስተውል ይፈልጋሉ፡፡ ሐሳባቸው አሸናፊ እንደሆነ ያውቃሉ፡፡ ነጻ አውጪዎቹን ጭምር ከአጥር አስተሳሰብ ነጻ ለማውጣት ይናገራሉ፤ ይተጋሉ፡፡
ጸሐፊው መጨረሻውን በማሳመር ረገድም ተወጥቶታል፡፡ ዳንኤል ክብረት በቬኔሲያ እና ሌሎችም የጀመረውን ልብወለድ ጽሑፍ በአዲስ አበባ ውሾች ጣሪያውን አሳይቶናል፡፡ የአዲስ አበባ ውሾች በአጫጭር ልብወለዶችና፤ በአጫጭር ታሪኮች የተሞላ ረጅም ልብወለድ ነው፡፡ ደርዘን መጽሐፍ የሚሳን ሐሳብ በአንድ አጭር ታሪክ ያቀልጠውና ይግተናል፤ እንረካማለን፡፡ ብዙ የሚለጠጠውን ሐሳብ በቅኔ ይጠቀልለዋል፡፡ እንለሰውማለን፡፡ በምሣሌያዊ አነጋገሮች ያዋዛዋል፤ እናጣጥመዋለን፡፡ እንደ ትራጀዲ አዝነንበት፤ እንደ ኮሜዲ ስቀንበት፤ እንደ መዝናኛ ተዝናንተንበት፤ እንደ መማርያ ተምረንበት፤ አዕምሯችንን እናበለጽግበታለን፡፡
የአዲስ አበባ ውሾች ውሾች ቢሆኑም የአዲ አበባ ናቸው፡፡
ሁሉም ሰው ሊያነበው የሚገባ መጽሐፍ ነው፡፡ በተለይ በወቅታዊው የአገራችን ሁኔታ ላይ ተቀራራቢና ውጤታማ አስተሳሰብ ለማራመድ እጅጉን ጠቃሚ በመሆኑ ያላነበባችሁ እንድታነቡ፤ ያነበባችሁና የምታነቡትም ሁላችሁ ደግሞ ላላነበቡት በማድረስ ኢትዮጵያን እንድትራዱ እጠይቃለሁ፡፡
ክብረት ይስጥለን፡፡ ና ኦፍ ካልቻ! ዮሴፍ ከተማ

Product Details

Synopses & Reviews

ዳሰሳ፡- የአዲስ አበባ ውሾች፤ ደራሲ፡- ዲ/ን ዳንኤል ክብረት ፤ የገጽ ብዛት 253 (pocket size)
በእንቶኔ ዘይቤ፤ በሁሉን አወቅ አንፃር የትረካ ስልት የቀረበ ልብወለድ መጽሐፍ፡፡
የታሪኩ ማጠንጠኛ፡- ለመጽሐፉ ጭብጥ ጠቃሚ የሆነ የኋላ ታሪክ ያለቸው ጌቶቻቸው፤ ከሥራዎቻቸው የተነሳ ባጋጠማቸው ችግር ለጎዳና የተሰጡ ውሾች ሕይወት ነው፡፡
ጌታው ባለ ሥልጣን የነበረ ውሻ አለ፡፡ በስልጣኑ በመባለጉ ዘብጥያ ሲዎርድ፤ ቤተሰብ ሲበተን ውሻውም ዕጣ ፈንታው ጎዳና ሆነ፡፡ ጌታው ነጋዴ የነበረ፤ ከባለስጣናት ጋር በመተሳሰር ከግብር ነፃ፤ ከጨራታ ነፃ፤ ከቀረጥ ነፃ፤ ሁሉ ነገር አልጋ በአልጋ ሆኖለት ሲንደላቀቅ የኖረ ሀብታም ጌታው፤ የዓይነ ስውሯ ፍትህ ሰይፍ አርፎበት፤ ወህኒ ሲገባ በመኪና ሲንደላቀቅ፤ ሬስቶራንት ሲባለ … የነበረው ውሻው ጎዳና ላይ የተጣለ አለ፡፡ ዲያስፖራው ጌታው ብር ብቻ ይዞ መጥቶ፤ በብዙ ምከንያቶች በመክሰሩ ዓለምን ሲዞር የነበረ ውሻውን ትቶት በመሄዱ ጎዳና ላይ የወደቀ ዲያስፖራ ውሻ አለ፡፡ ደግሞ ከቤተ ክህነት የተገፋ ሊቅ ጌታ የነበረው ሊቅ ውሻ አለ፡፡…. እዛው ጎዳና ላይ የነበረ የአራት ኪሎ አራዳ ውሻ ደግሞ አለ፤ ሌሎችም፡፡
እነዚህ እነ ንካው፣ “አሜይዚነግ” ማለት የሚወደው ሉሉ፣ “አሎራ!” ከአፉ የማይጠፋው ጆዜ፣ ግዕዝ ተናጋሪውና ቅኔ ዘራፊው ዑቃቤ፣ “ሹክራን” የሚለው ባሲል እና ሌሎችም አስገራሚ ውሾች ናቸው፡፡ ታሪካቸውም ትረካቸውም ይጣፍጣል፡፡
ሌሎች ደግሞ ነፃ አውጪ ውሾች አሉላችሁ፡፡ የካዛንቺስ ነፃ አውጪዎች፤ የአራት ኪሎ.. ወዘተ፤ እነዚህ ተደራጅተው ውሾችን ያሳድዳሉ፡፡ እኛ ነፃ ባወጣነው ሠፈር ይላሉ፡፡ ስንት ውሾች ሲፈናቀሉ፤ ሲሰደዱ ታያላችሁ፡፡ ተሰዳጆቹ ይጠይቃሉ “እኛም ውሾች፤ እናንተም ውሾች፤ ለምንድነው ውሻ በውሻ ላይ የሚጨክነው?”
ውሾቹ ዕጣ ፈንታቸው ከሰዎች ጋር ይመሳሰላል፤ የሰዎች ግፍ ዳፋም በቀጥታ አርፎባቸዋል፡፡ እንደ ቀበሮ ጫካ መኖርን ትተው፤ ሰውን እያገለገልን ከሰው ጋር እንኑር ባሉ ስንት መዓት እንደ ወረደባቸው እናያለን፡፡ የባለሀብቶቹ፤ የባለ ሥልጣኖቹ ውሾች፤ ስንት ጉድ ሲሰሙ ኖረዋል፤ ስንት ዱለታ ዓይተዋል፡፡ አይናገሩም፤ አይሰሙም እየተባለ፤ ጥግ እየተያዘ፤ ጓሮ እየተገባ፤ ጨለማ ተገን እየተደረገ፤ በስልክ የሚወራውን ሁሉ፤ ሲሰሙ እና ሲያዩ የኖሩትን እያነሱ ያዋራሉ፤ ያወጋሉ፡፡ ጨዋታቸውን በቅኔ፤ በምሳሌያዊ አባባሎች፤ በተረትተረት፤ በታሪካዊ ገጠመኞች፤ ከፊልም፤ ከመጻሕፍት፤ ከሙዚቃው ሁሉ እየጨለፉ በማዋዛት፤ ብርዱንና ረሃቡን እንዲሁም ስደቱን ያስታግሱታል፡፡
ከፀሃፊው መሳጭ አጻጻፍ የተነሳ እንባቢ ሳንሆን፤ የባለታሪኮቹ አካል እንሆናለን፡፡ ከውሾቹ ጋር ውሾች እንሆናለን፡፡ በቃ ውሻ መሆን በዚህ መጽሐፍ ውስጥ ምንም አይቀፈንም፡፡ አይጎረቡጠንም፡፡ ስሜታቸው ሁሉ ይሰማናል፡፡ በጣም እንራባለን፤ ረሃቡ ግን የነሱ ነው፡፡ ቅንጥብጣቢ ሲገኝ ጮቤ እንረግጣለን፡፡ እነሱ ሲበሉ ምራቅ እንውጣለን፡፡ ግን ድንገት ምንም ያልቸገረው ሰው በድንጋይ አናታችንን ይበጠርቀናል፡፡ አዕምሯችን የውሻ ጩኸት ያሰማነል፡፡ ፈትለክ ብለን እንሮጣለን፡፡ በነፃ አውጪ ውሾች ማደርያ መከልከል ያመናል፤ በገዛ አምሳያዎቻችን እንገፋልን፡፡ የትላንት ጓደኞቻችን “አንተ የአራት ኪሎ ነህ፤ አንተ እዚ ሰፈር አይደለህ?” እያሉ ያገሉናል፡፡ አብሯ አደጎቻችን “አያቶችህኮ አያቶቼን አሰቃይተዋል” ብለው ጠላት ይሆኑብናል፡፡ ስሙን እንኳ በማታውቁት ቅምቅም አያታችሁ ወንጀል ምክንያት እናንተ የበቀል በትር ያርፍበችኋል፡፡
የመከላከል ጩኸት ትጮሃላችሁ፡፡ “ዋው፣ ዋው ዋው..” አማራጭ ሲጠፋ ፊት ለፊት ከነፃ አውጪዎች ጋር ትጋፈጣላችሁ፡፡ ሀገሩ ሁሉ በነፃ አውጪ ሲያዝ ወዴት ይኬዳል? መጋፈጥ ነው፡፡ መናከስ ነው፡፡ መጮህ ነው፡፡ ደግነቱ እግዜር ይረዳል፡፡
አንዳንዶቹ ችግሮች በተግባር ይፈታሉ፡፡ አንዳንዶቹ መፍትሔያቸው መወራታቸው ነው፡፡ ሌሎቹ እስከ ወድያኛውም የሚፈቱ አይመስሉም፤ አንዳንዶቹ የማይወሩ ናቸው፡፡ መወራታቸው በራሱ ሌላ ችግር ያመጣል፡፡ ውሾቹ ዝም ብለው ይሄዳሉ፡፡ ወዴት እንደሚሄዱ ግን አየውቁትም፡፡ እስቲ ምሳሌ እንቀንጭብ
“ሁሉም እግራቸው እንጂ ሐሳባቸው አብሯቸው የለም፡፡ ሁሉንም ያገናኛቸው ማጣት ነው፡፡ የመሰባሰባቸው ምከንያት መገፋት ነው፡፡ እነርሱ ራሳቸው በአስተሳሰብ አንድ ለመሆናቸው እርግጠኞች አይደሉም፡፡ ይት ነው የምንሄደው? ለሁሉም ግልጥ አይደለም፡፡ ምናልባት ይህ ነገር የተነሣ ዕለት ያለያየን ይሆናል ብለው ፈሩታል፡፡ ከየአቅጣጫው መምጣት ይቻላል፡፡ ወደየአቅጣጫው መሄድ ግን አይቻልም፡፡ ማንም ሲፀነስ ከአባቱ አብራክና ከእናቱ ማኅፀን ከተለያየ አቅጣጫ ነው፡፡ እነዚህ ከየአቅጣጫው የመጡ ነገሮች ግን በኋላ ወደ አንድ አቅጣጫ አንድ ሰው ሆነው ነው የሚጓዙት፡፡ ለመምጣት አንድነት አያስፈልግም ለመሄድ ግን የግድ ነው፡፡” ገጽ 113
የውሾቹ ትዝብት
“ሀብት፣ ዘርና ሥልጣን ኃጢአትህን ይሸፍንልሃል፡፡ ድህነት ደግሞ ኃጢአትህን ያጋልጥብሃል ማለት ነው፡፡ ሼም ጠፍቷል ጀለሴ፡፡” በብዙ ኃጢአት ውስጥ በቤተ ክርስቲያን ጭምር የሚከበሩ ባለሀብቶችን፤ ያነሳሉ፤ እነሱ ለመጸለይ በተከለከሉበት ቦታ ሀብታሞቹ ይሰገድላቸዋል፡፡ እናም ሉሉ ይጠይቃል ““ክርስቶስ ያባረራቸውን ሻጮችና ለዋጮች፤ ሕንጻ እየሠራ፤ በቤተ ክርስቲያን ዙርያ መልሶ ማን እንደሰበሰባቸው ሳስብ አሜዚን ይሆንብኛል፡፡ ቤተ ክረስቲያን ለድሆች ማደርያና መመገቢያ፣ ለአረጋውያን መጦሪያ፣ ለድሃ ተማሪዎች መማሪያ፣ ለዓቅመ ደካማ ሕሙማን መታከሚያ፣ መቼ ነው የምትሠራው?” አለ ሉሉ፡፡ ጆዜ ዝም ብሎ ይሰማቸዋል፡፡” ገጽ 44-45
ይሄው ሉሉ የተባለ ውሻ ከዘበኛቸው የሰማቸውን በርካታ ታሪኮች እና አባባሎች ያጋራል፡፡
“ሀገሬ ዳገትሽን በዳዴ ልለፈው
ሁሉም የግል ሆኗል ምኑን ልደገፈው ይሉ ነበር” ይለናል፡፡ ገጽ 93
“በናቷ ሽምብራ በአባቷ ባቄላ
የሁለት ጥሬ ልጅ ኧረ እንዴት ትበላ አለ ዘፋኝ” ገጽ60
“እከክ ብቻ ሆኗል እግሬን ብዳብሰው
እንዴት መቀመጫ መሄጃ ያጣል ሰው” ገጽ 125
በመጨረሻም ወደረኞቻቸውን በሐሳብ ይሞግታሉ፡፡
ይላሉም “ነጻ አውጭነት ታጋይነት ከሆነ የምትታገለው ወገንህ የተሸለ ነገር እንዲያገኝ ነው፡፡ …… ነጻ አውጭነት ንግድ ሲሆን ግን ጉዳዩ የትርፍና ኪሣራ ጉዳይ ይሆናል፡፡ ሌላ ሰው እንዲያተርፍ ብሎ እርሱ የሚነግድ የለማ፡፡ ነጋዴ ነጻ አውጭም የሚታገለው ራሱን በቀደምቶቹ በዝባዦች ለመተካት ነው፡፡ ለዚህ ነው ውሾች የሚነክሱን ውሾች ያየነው፡፡ ጅቦችስ ከዚህ ውጪ ምን ያደርጉብን ነበር?” ገጽ 124
ሙግት ብቻ አይደለም ውሾቹ መፈክርም አላቸው፡፡
““ለመመራት ዝግጁዎች ነን፤
ለመገዛት ግን ፈጽሞ!
ለአባሪነት ዝግጁ ነን፤
ለተገዥነት ግን ፈጽሞ” ሲል ባሲል ፎከረ፡፡ ሁሉም አካባቢው እስኪደባለቅ ድረስ ጮኹ፡፡ ….. ከወንዙ ማዶ አራት ሶለጎች ቆመው ያዩዋቸዋል፡፡ አስተያየታቸው የጤና አይመስልም፡፡
“ዝም ስንላችሁ ጊዜ ናቃችሁን አይደል” አለ አንደኛው ሶለግ መሬት እየፎገሰ፡፡…….””
ድብድብ አለ፡፡ ፍልሚያ፤ ለመግዳልና ላለመሞት የሚደረግ፤ ለእኩልነትና ለበላይነት የሚደረግ ትግል፡፡
የአዲስ አበባ ውሾችን አታነቡትም፡፡ ነገር ግን ታዩታላችሁ፡፡ ውሾች ሲዘፍኑ ምን እንደሚመስል፤ ትገረማላችሁ፡፡ የውሾች ኦርኬስትራ፡፡ የአዲስ አበባ ውሾችን አንብባችሁ ስትጨርሱ መጽሐፍ እንዳነበባችሁ አይደለም፤ ከሲኒማ የምትወጡ ነው የሚመስላችሁ፡፡ ያውም ስትተውኑ ቆይታችሁ፤ አሸንፋችሁ በድል፡፡ እንደ ጂሎች ትግል የዛሬ ድል ብቻ አይደለም፡፡ ጂሎች ጭፍጭፉ ላይ ቀዳሚ ይሆናሉ፤ አስተዋዮች ግን ጠቡን ለማሸነፍ ይፋለማሉ፡፡ ጂሎች ጦርነቱን ለማሸነፍ ሲዋጉ፤ አስተዋዮች ጦርነቱን ለማስቀረት ይቆማሉ፡፡ ጂሎች የድል ዕለት የሚታረደውን በሬ፤ የሚማርኩትን ምርኮ ሲያስቡ፤ አስተዋዮች የሚቀጥለውን ትወልድ፤ የሚመጣውን ጊዜ ያስባሉ፡፡ እነዛ ለመግዳል ሲቆጩ አስተዋዮች ለመፍትሔ ያምጣሉ፡፡
ተንከራታቾቹ ውሾች መጨረሻቸው ያጓጓል፡፡ በነጻ አውጪዎች በተዋጠች ከተማ መድረሻ ይሻሉ፡፡ ገፊ በበዛበት መንደር አቃፊ ይሻሉ፡፡ ዛሬ ላይ የቆመ በበዛበት፤ ትላንትን የማይረሳ ነገንም የሚያስተውል ይፈልጋሉ፡፡ ሐሳባቸው አሸናፊ እንደሆነ ያውቃሉ፡፡ ነጻ አውጪዎቹን ጭምር ከአጥር አስተሳሰብ ነጻ ለማውጣት ይናገራሉ፤ ይተጋሉ፡፡
ጸሐፊው መጨረሻውን በማሳመር ረገድም ተወጥቶታል፡፡ ዳንኤል ክብረት በቬኔሲያ እና ሌሎችም የጀመረውን ልብወለድ ጽሑፍ በአዲስ አበባ ውሾች ጣሪያውን አሳይቶናል፡፡ የአዲስ አበባ ውሾች በአጫጭር ልብወለዶችና፤ በአጫጭር ታሪኮች የተሞላ ረጅም ልብወለድ ነው፡፡ ደርዘን መጽሐፍ የሚሳን ሐሳብ በአንድ አጭር ታሪክ ያቀልጠውና ይግተናል፤ እንረካማለን፡፡ ብዙ የሚለጠጠውን ሐሳብ በቅኔ ይጠቀልለዋል፡፡ እንለሰውማለን፡፡ በምሣሌያዊ አነጋገሮች ያዋዛዋል፤ እናጣጥመዋለን፡፡ እንደ ትራጀዲ አዝነንበት፤ እንደ ኮሜዲ ስቀንበት፤ እንደ መዝናኛ ተዝናንተንበት፤ እንደ መማርያ ተምረንበት፤ አዕምሯችንን እናበለጽግበታለን፡፡
የአዲስ አበባ ውሾች ውሾች ቢሆኑም የአዲ አበባ ናቸው፡፡
ሁሉም ሰው ሊያነበው የሚገባ መጽሐፍ ነው፡፡ በተለይ በወቅታዊው የአገራችን ሁኔታ ላይ ተቀራራቢና ውጤታማ አስተሳሰብ ለማራመድ እጅጉን ጠቃሚ በመሆኑ ያላነበባችሁ እንድታነቡ፤ ያነበባችሁና የምታነቡትም ሁላችሁ ደግሞ ላላነበቡት በማድረስ ኢትዮጵያን እንድትራዱ እጠይቃለሁ፡፡
ክብረት ይስጥለን፡፡ ና ኦፍ ካልቻ! ዮሴፍ ከተማ

About the Author